"Манчестер Сити" МЮ мухлиси бўлган ходимини ишдан бўшатди

Англия премьер-лигасида дерби ўйини бўлиб ўтди - "Манчестер Сити" "Манчестер Юнайтед"ни 3:0 ҳисобида мағлуб этди.

Ижтимоий тармоқларда "Этихад" стадионидаги барда ишловчи ходимнинг сурати тарқалди. У иш жойига "Манчестер Юнайтед" футболкасини кийиб келган экан. Устидан спорт кийимини кийган бўлса-да, "қизил иблислар" футболкаси аниқ кўриниб турарди.

Мухлислик ҳис-туйғуларини намоён этиш йигитга қимматга тушди - "Манчестер Сити" бу ходимни ишдан бўшатганини маълум қилди: "Бу ҳақда хабар берганингиз учун ташаккур. Биз мазкур шахс ишдан бўшатилганини тасдиқлаймиз."