“Манчестер Сити” осиёлик ўйинчига харидор

“Манчестер Сити” мутасаддилари жамоа таркибини кучайтирадиган вариантларни қидиряпти. Sportsmole нашрининг ёзишича, “шаҳарликлар” нишонига “Брайтон” ҳужумкор футболчиси Каору Митома тушган.

Манбага кўра, манчестерликлар япониялик футболчини қишки трансферлар вақтида ўз таркибига қўшиб олишга ҳаракат қилади.

Каору Митома “Брайтон”да тўп тепаётганига бир йилдан ошди. Шу пайтга қадар у 51 та расмий учрашувда ўз ҳисобига 13 та гол ва 12 та ассист қайд этди.

Transfermarkt портали экспертлари 26 ёшли футболчини 32 миллион еврога баҳоламоқда.