"Манчестер Сити"да узоқ йиллик фаолияти билан бутун дунёда катта шуҳрат қозонган Серхио Агуэро мавсум сўнгида жамоани тарк этишини маълум қилди.

32 ёшли ҳужумчи Манчестерга 2011 йилда "Атлетико"дан келиб қўшилган ва клуб сафида 384 ўйин ўтказган. Ортда қолган вақт мобайнида у ўз ҳисобига 257 та гол ёздириб қўйишга муваффақ бўлган. Шунингдек, 73 бор рақиблари голига ҳаммуаллифлик қилган.

Хабарларга қараганда, "Этихат" стадиони яқинида аргентиналик ҳужумчининг бюсти ўрнатилади. Худди шундай иш Венсан Компани ҳамда Давид сильва билан ҳам қилинган эди.

"Transfermarkt" портали Агуэрони 25 млн еврога баҳоламоқда. Унинг учун энг катта даъвагар сифатида "Барселона" кўриляпти.

Матнда хатолик топсангиз, ўша хатони белгилаб, бизга жўнатинг (Ctrl + Enter)