"Манчестер Сити" Португалия терма жамоаси футболчисини харид қилмоқчи

"Manchester Evening News" нашри хабарига кўра, "Манчестер Сити" "Милан" ҳужумчиси Рафаэль Леауни ўз сафига қўшиб олмоқчи.

Манбанинг ёзилишича, клуб португалиялик футболчига қизиқиш билдирмоқда ва келаси йили португалиялик форвардни сотиб олиш борасида музокара бошлашга тайёр.

Сентябрь ойи бошида миланликлар 23 ёшли ҳужумчига янги шартнома таклиф қилмоқчи экани хабар қилинганди.

Жорий мавсумда Леау 8 учрашувда 3 та гол урди ва 6 та голли узатмани амалга оширди. Унинг Италия клуби билан амалдаги шартномаси 2024 йилнинг ёзига қадар мўлжалланган.