"Манчестер Сити" "Реал" хавбеки учун 65 млн евро таклиф қилмоқчи

Мадриднинг "Реал" клуби ярим ҳимоячиси Маркос Льоренте фаолиятини Англияда давом эттириши мумкин.

El Chiringuito нашрининг хабар беришича 24 ёшли испаниялик футболчига "Манчестер Сити" жиддий қизиқиб қолган. "Шаҳарликлар" бунинг учун “қироллик клуби”га 65 миллион евро тўлашга тайёр.

Эслатиб ўтамиз, бундан аввалроқ "Реал" Льорентени ёзда трансферга қўйиши ҳақида хабарлар тарқалган эди.

Маълумот учун, Льоренте жорий мавсум “Реал” сафида жами 14та ўйинда иштирок этди ва ўз ҳисобига 2та гол ёздириб қўйди.