«Manchester Siti» Reynders uchun narxni belgiladi

28 yoshli markaziy yarim himoyachi Tidjani Reynders «Manchester Siti»dan «Nottingem Forest»ga o‘tishi mumkin. Bu haqida TEAMtalk nashri xabar berdi.

Manba ma’lumotiga ko‘ra, Reynders «Nottingem Forest» uchun yarim himoyani kuchaytirishda asosiy transfer maqsadlaridan biri hisoblanadi. Aytilishicha, «Manchester Siti» niderlandiyalik futbolchi uchun taxminan 70 million yevro atrofidagi takliflarni ko‘rib chiqishga tayyor.

«Shaharliklar» Reyndersni o‘tgan yozda «Milan»dan 55 million yevro evaziga sotib olgan edi. U jamoa safida 28 ta o‘yinda maydonga tushib, 5 ta gol urdi va 2 ta golli pas muallifiga aylandi.