"Манчестер Сити" умидини сўндирмаяпти

"Тоттенхэм" клуби ва Англия терма жамоаси ҳужумчиси Харри Кейннинг тақдири номаълумлигича қолмоқда.

Журналист-инсайдер Фабрицио Романонинг хабар беришича, "Манчестер Сити" ҳали ҳам Кейннинг трансферидан умидини узмаяпти. "Шаҳарликлар" раҳбарияти футболчи масаласида “шпорлар”га 150 миллион евролик таклиф тайёрламоқда.

Шу тариқа, “Сити”дагилар “Тоттенхэм”нинг фикрини ўзгартирмоқчи.

Манбанинг хабарига кўра, “шпорлар” ҳозирча Кейн масаласида ҳеч қандай янги таклиф олмаган ва улар ўз етакчисини таркибда сақлаб қолмоқчи.