"Манчестер Сити" ёзда 2 та супер трансферрни амалга оширмоқчи

"Манчестер Сити" ёзги трансферлар учун 200 млн евро ажратмоқчи. The Telegraph нашрининг ёзишича, “шаҳарликлар” мавсумлар оралиғида Эрлинг Холанд ва Ромелу Лукакуни сотиб олмоқчи. Айтиш лозимки, ҳар иккала футболчи ҳам ўз жамоасининг энг яхши тўпурарлари ҳисобланади.

Холанд жорий мавсум Бундеслигада 10 та ўйинда майдонга тушди ва 12 та гол ҳамда 2 та голли узатмага муаллифлик қилди.

Лукаку А Серияда 16 та ўйинда майдонга тушди ва ўз ҳисобига 12 та гол ҳамда 3 та голли узатма ёздириб қўйди.

“Манчестер Сити” айни дамда АПЛда 4-ўринда бормоқда. Жамоанинг энг яхши тўпурари Рахим Стерлинг ҳисобланади. Унинг ҳисобида 4 та гол ҳамда 3 та голли узатма мавжуд.