“Манчестер Сити” юлдузи рақиб жамоага ўтиши мумкин

Мисрлик ҳужумчи Умар Мармуш январь ойида “Манчестер Сити”ни тарк этиши мумкин.

TEAMtalk маълумотларига кўра, футболчига “Тоттенхэм” қизиқиш билдирмоқда ва клублар ўртасидаги музокаралар анча олдинга силжиган. Ўйинчининг ўзи ҳам ўйин амалиётига эга бўлиш учун бу ойдаёқ “Сити”ни тарк этишга тайёр.

Мармуш 2025 йил январь ойида “Айнтрахт”дан “Манчестер Сити”га 75 миллион евро эвазига ўтган эди.

Унинг “шаҳарликлар” билан шартномаси 2029 йилнинг 30 июнигача тузилган. Жорий мавсумда ҳужумчи 15 та ўйин ўтказиб, 1 та гол ва 1 та голли узатма қайд этди. Transfermarkt унинг қийматини 65 миллион еврога баҳоламоқда.

Мармушнинг кетиши жамоа Англия Премьер-лигаси тўпурарларидан бири Антуан Семеньонинг трансфер қилгани натижаси бўлиши мумкин.