“Манчестер Сити” юлдузидан юз ўгиришган экан

“Манчестер Сити”нинг энг тажрибали юлдузларидан бири тажрибали Илкай Гюндоған яқинда Туркия чемпиони “Галатасарой” жамоаси таркибига қўшилди.

Бироқ энди маълум бўлишича, германиялик футболчи “топ-лигалар”дан иш топишгани уринган экан. Таниқли инсайдер Фабрицио Романога кўра, Илкайнинг агентлари 34 ёшли ярим ҳимоячининг хизматларини “Интер”га таклиф қилган.

Аммо Италия суперклуби Гюндоғанни эркин агент мақомида ҳам олишни истамаган. Миланликлар ёши ўтган ўйинчи ўрнига 22 ёшли Энди Диуфни трансфер қилишни маъқул кўрган.

Энди Диуф ўз вақтида айни пайтда “Манчестер Сити” шарафини ҳимоя қилаётган Абдуқодир Ҳусанов билан  “Ланс”да бирга ўйнаган.