“Манчестер Сити”да катта йўқотиш
“Манчестер Сити”га Қатардаги жаҳон чемпионати қиммат тушди. Хосеп Гвардиола мундиалда жароҳат олган марказий ҳимоячи Рубен Диаш хизматидан фойдалана олмайдиган бўлди.
Португалия терма жамоаси сафида мундиалда қатнашган футболчи тизза ости боғламларини шикастлаб олган ва оёққа туриши учун бир ой атрофида вақт керак бўлади.
25 ёшли ҳимоячи жорий мавсумда Англия премьер-лигасида 12 та учрашувда майдонга тушган эди.
Диаш “Манчестер Сити”га 2020 йили олиб келинган ва клуб билан 2027 йилнинг ярмигача шартнома имзолаган.
Фикрлар