“Манчестер Сити”га бу ўйинчи маъқул келмади

“Манчестер Сити” мутасаддилари “Ноттингем Форест” ярим ҳимояяичи Морган Гиббс-Уайтни трансфер нишонлари рўйхатидан чиқарди.

“Шаҳарликлар” бу ўйинчига анчадан бери қизиқиш билдириб келаётган эди. Хосеп Гвардиола Морганни Кевин де Брюйне ўрнида ўйнатишни режалаштириб қўйганди.

Мавсум давомида манчестерликлар Жек Грилишни 25 ёшли Гиббс-Уайтга алмаштириш вариантини ҳам ўрганиб чиқди.

Экспертларнинг таъкидлашича, “Ноттингем Форест” ўз етакчисини 100 миллион фунтга баҳолаётгани “Манчестер Сити” раҳбариятига маъқул келмаган. Клуб аввалги йиллардан фарқли ўлароқ, маблағни эҳтиёт қилиб, сарфлаш йўлини тутмоқда.

Шу боис, плеймейер позицияга “Байер” 150 миллион еврога баҳолаган Флориан Вирцни олиб келиш ғоясидан ҳам воз кечилди.

“Шаҳарликлар” Кевин де Брюйнега ўринбосар сифатида “Лион” вакили Райан Шеркини танлади. Бу трансфер англияликларга 35 миллион еврога тушади.