"Манчестер Сити"нинг 4 та футболчиси бир соврин учун даъвогарлик қилмоқда
Англия профессионал футболчилар ассоциацияси (PFA) ўз талқинига кўра, премьер-лиганинг якунланган мавсумдаги энг яхши футболчисини аниқлаш бўйича махсус сўровнома ўтказмоқда.
Эътиборлиси, кўрсатилган 6 та номзоднинг 4 таси “Манчестер Сити” футболчиси бўлди. Аниқроғи, Кевин де Брюйне, Илкай Гюндоган, Рубен Диаш, Фил Фоден (барчаси - "Манчестер Сити"), Харри Кейн ("Тоттенхэм") ва Бруну Фернандеш ("Манчестер Юнайтед") энг яхши номини қўлга киритиш учун даъвогарлик қилмоқда.
Ушбу сўровномада фақатгина АПЛ клублари сардорлари овоз беради.
Ўтган мавсум ушбу соврин Кевин Де Брюйнега насиб этган эди. Агар бу сафар ҳам сўровномада бельгиялик футболчи ғалаба қозонса, ушбу номга 2 марта сазовор бўлган Марк Хьюз, Алан Ширер, Тьерри Анри, Криштиану Роналду ва Гарет Бэйл билан тенглашиб олиши мумки.
Фикрлар