"Манчестер Юнайтед" Тео Эрнандесни ўз сафига қўшиб олмоқчи

"Манчестер Юнайтед" "Милан" ҳимоячиси Тео Эрнандесга қизиқиш билдирмоқда.

"La Gazzetta dello Sport" нашрининг хабарига кўра, манкунианликлар 25 ёшли футболчини шу ёзда сотиб олмоқчи.

Чап қанот ҳимоячиси жамоа учун муҳим бўлишига қарамай, "россонерлар" уни катта суммага сотиши мумкин. "Милан" француз учун камида 60 миллион евро талаб қилади.

Манбанинг қўшимча қилишича, Теога "Манчестер Сити" ва Испаниянинг топ-клублари ҳам қизиқиш билдирмоқда.

А Серияда якунланган мавсумнинг 32 та учрашувида Эрнандес 4 та гол урди ва 3 та голли узатмани амалга оширди.