"Манчестер Юнайтед" Амрабат билан музокараларни бошлади

"Манчестер Юнайтед" "Фиорентина" ярим ҳимоячиси Софьян Амрабатни ўз сафига қўшиб олишга ҳаракат қилмоқда. Клуб футболчи билан музокараларни бошлаган, дея хабар бермоқда "FootMercato" нашри. 

Маълум бўлишича, марокашлик футболчига "Ал-Аҳли"дан ҳам жиддий қизиқиш бор. Саудия клуби унга йилига 15 миллион евролик таклиф юборган.

Амрабатнинг асосий мақсади Ла Лигага ўтиш. Уни "Атлетико" сотиб олиши мумкин. Шунингдек, ярим ҳимоячи "Барселона" сафига қўшилишни истайди.