"Манчестер Юнайтед" автогол эвазига "Вест Хэм" устидан ғалаба қозонди

Англия Премьер-лигаси 28-турида "Манчестер Юнайтед" "Вест Хэм"ни қабул қилди ва қийинчилик (1:0) билан  қозонди.

Ўйин манкунианликларнинг устунлигида кечди. Биринчи тайм давомида МЮ ҳужумчилари бир қанча вазиятларни голга айлантира олмади. 53-дақиқада бурчакдан узатилган тўпни Крэйг Доусон ўз дарвозасига тўғрилаб қўйди. Учрашувда бошқа гол киритилмади.

Ушбу ғалабадан сўнг "Манчестер Юнайтед" 29 ўйинда 57 очко тўплаб иккинчи ўринга кўтарилиб олди, "Вест Хэм" эса 28 баҳсда 48 очко билан 5-ўринда қолди.

Ўйин сайтимиз орқали матнли трансляция қилинди.