"Манчестер Юнайтед" "Барселона" юлдузи учун 100 млн евро таклиф қилишга тайёр

"Манчестер Юнайтед" таркибини кучайтириш учун катта маблағ сарфлашга тайёр. The Touchline нашри журналист Хосе Альваресга таяниб хабар беришича, "қизил иблислар" ярим ҳимоячи Фермин Лопес учун 100 миллион евро таклиф қилиши мумкин. 

Бироқ трансфер амалга ошиши эҳтимоли паст — Лопес "Барселона"да бахтли ва каталонияликлар уни сотмоқчи эмас. 22 ёшли футболчи яқинда клуб билан янги шартнома имзолади. Ушбу келишув 2031 йилнинг ёзигача қадар мўлжалланган.

Маълумот учун, айни пайтда "Барселона" Испания Ла Лигаси турнир жадвалида пешқадам бўлиб турибди. Иккинчи ўриндаги "Реал Мадрид" жамоаси Ханс-Дитер Флик шогирдларидан тўрт очкога ортда қолмоқда.