“Manchester Yunayted” “bo‘rilar” bilan kelishuv ostonasida

“Manchester Yunayted” tansferlar vaqtida “Roma” yarim himoyachisi Jengiz Underni olish uchun harakat boshladi.

Sulsher jamoasi bu yil iqtisodiy vaziyat tufayli Jeydon Sanchoni transfer qila olmaydi. Uning o‘rniga 22 yoshli turk futbolchisi MYuning maydon markazidagi ustunligini ta’minlashi kerak bo‘ladi.

Underning transfer narxi 30 million evroga baholanmoqda va bu Sanchoning badal pulidan bir necha marotaba arzon. Bundan tashqari, “Manchester Yunayted” Jengiz Underning transferiga “Roma”da ijara asosida to‘p surayotgan himoyachi Kris Smollingni ham qo‘shib berish varianti ustida ishlamoqda.