"Манчестер Юнайтед" Бруно Фернандешга янги шартнома таклиф қилмоқчи

Бруну Ферандеш яқин вақтлар ичида "Манчестер Юнайтед"дан янги шартнома қабул қилиб олиши мумкин.

2020 йил январида" қизил иблислар" сафини тўлдирган португалиялик ярим ҳимоячи жамоанинг алмаштириб бўлмас футболчисига айланди. У АПЛдаги дебютидан сўнг, чемпионатдаги энг сермаҳсул футболчи бўлиб турибди.

Манкунианлар 26 ёшли футболчини бошқа гранд клублар қизиқишидан асраш учун унга янги келишув ҳозирлаб қўймоқчи. Брунунинг маоши икки карра ошиши кутилмоқда. Айни вақтда футболчи МЮда йилига 6 миллион евро маош олади.

Томонлар ўртасидаги амалдаги келишув 2025 йил ёзида якунига етади ва МЮда уни яна бир мавсумга узайтириш имконияти бор.

"Ман Юнайтед" га "Спортинг"дан 55 миллион евро эвазига кўчиб ўтган португалиялик жорий мавсумда Премьер-лига баҳсларида 10 та ўйинда 7 та гол ва 4 ассистни ўз ҳисобига ёзиб қўйди.