«Манчестер Юнайтед» Бруну Фернандеш билан шартномани узайтирмоқчи

«Манчестер Юнайтед» раҳбарияти яқин кунларда жамоа етакчиларидан бири, португалиялик ярим ҳимоячи Бруно Фернандешга янги шартнома таклиф этишга тайёрланмоқда.

Николо Скира тарқатган маълумотга кўра, «қизил иблислар» 31 ёшли Фернандешни клубда узоқ муддатга сақлаб қолишни истамоқда. Унга 2029 йил ёзигача мўлжалланган янги шартнома таклиф этилиши кутилмоқда. Ҳозирги келишув эса 2027 йил июнигача амал қилади. Фернандеш 2020 йилдан буён «Манчестер Юнайтед» шарафини ҳимоя қилиб келмоқда.

Эслатиб ўтамиз, жорий мавсумда Бруно Англия чемпионатида манкунианликлар таркибида икки ўйин ўтказиб, учта гол урди ва бир марта голли пас берди.