“Манчестер Юнайтед” бу ҳужумчини қўйиб юбормайди

“Манчестер Юнайтед” раҳбарияти яна юқори даражада кўтарилаётган Маркус Рэшфордга янги битим таклиф қиладиган бўлди. Клуб тарбияланувчисининг амалдаги шартномаси мавсум охирида якунланади.

Daily Mail нашрининг таъкидлашича, клуб Рэшфорд билан январгача шартнома имзолашни режалаштирмоқда. Чунки тезроқ битим тузилмаса ҳужумчига катта клублардан чорловлар бор ва улар январь бошланиши билан Рэшфордга алоқага чиқиш ҳуқуқига эга бўлади.

Ҳозирча, манчестерликларнинг олдида иккита вариант бор. Биринчи ўринда, улар Маркус билан узоқ муддатли янги шартнома имзолашга ҳаракат қилади.

Агар форвард тақдирини клуб билан узоқ муддатга боғланишни истамаса, аввалги шартномада белгиланган ҳамкорликни яна бир мавсум узайтириш бўйича бандни кучга киритишга уриниб кўради.