"Манчестер Юнайтед" "Бёрнли" дарвозабонини ўз сафида кўрмоқчи

"Манчестер Юнайтед" "Бёрнли" дарвозабони Ник Поупнинг хизматларига жиддий қизиқиш билдира бошлади. Бу ҳақда Daily Star нашри хабар бермоқда.

Юқоридаги манбага кўра, манкунианлар 28 ёшли посбонни ёзги трансферлар давридаёқ сотиб олмоқчи. Поуп учун МЮдан ташқари "Тоттенхэм" ва "Челси" ҳам курашмоқда. Ўз навбатида, "Бёрнли" ҳам яхши маблағ эвазига дарвозабонини сотишга тайёр.

Ник Поуп жорий мавсум 29 та ўйинда майдонга тушди ва ўз дарвозасидан 33 та гол ўтказиб юборди. Унинг клуб билан амалдаги шартномаси 2022 йилга қадар имзоланган.