"Манчестер Юнайтед" дарвозабони "Эвертон"га ўтиши мумкин

"Эвертон" клуби "Манчестер Юнайтед" дарвозабони Серхио Ромерони ўз сафида кўрмоқчи. Бу ҳақда The Times нашри хабар тарқатмоқда.

Юқоридаги манбага кўра, “ирисчилар” раҳбарияти таркибда жамоанинг асосий дарвозабони Жордан Пикфордга муносиб рақобатчи бўлишини хоҳламоқда ва бу борада айнан Аргентина терма жамоаси посбони асосий номзод сифатида қаралмоқда.

33 ёшли Ромеро ҳам кўпроқ ўйин амалиётига эга бўлиш учун жамоасини ўзгартиришга қарши эмас.

Серхио ўтган мавсум МЮ сафида жами 17 та ўйинда майдонга тушди ва ўз дарвозасидан 5 та гол ўтказиб юборди. Унинг трансфери 2,8 млн еврога баҳоланмоқда.