"Манчестер Юнайтед" экстра-таймдаги ягона пенальти эвазига "Копенгаген"ни енгди

Германиянинг Кёльн шаҳрида УЕФА Европа Лигаси чорак финал босқичидан ўрин олган "Манчестер Юнайтед" - "Копенгаген" учрашуви якунига етди. Унда "қизил иблислар" Даниядан ташриф буюрган рақибларини кичик 1:0 ҳисобида таслим этишди. 

Шу тариқа, манкуниянлар мусобақа ярим финалига йўл оладиган бўлди. Улар ушбу босқичда "Севилья" - Вулверхэмптон" баҳси ғолибига қарши кураш олиб боради.

• 120+3'
  

  Учрашув якунланди. Уни сизлар билан матнли тарзда Жавоҳир Азимов кузатиб борди.

• 120+1'
  

  Жамоасига пенальти ишлаб берган Марсьяль захирага олинди. МакТоминай ўйинни якунлаб қўяди.

• 120'
  

  Қизиқарли учрашувга 2 дақиқа қўшиб берилди.

• 119'

  Стандарт вазиятни комбинацион амалга оширган "Копенгаген" футболчиларидан МЮ вакиллари тўпни олиб қўйди. Хавфли қарши ҳужумга югурган Лингардга тезлик етишмади.

• 118'

  Матични чиройли тарзда алдаб ўтган Викни сербиялик футболчининг ўзи йиқитди. Хавфли жарима зарбаси.

• 116'
  

  Ҳозиргина ўйинга қўшилган Викнинг зарбасини бироз аввал майдонга тушган Линделёф зарарсизлантирди.

• 115'

  Данияликлар сўнгги дақиқаларда бор кучини тўплаб, олдинга ўтмоқда. Ҳозирча, фойдасиз.

• 113'
  

  Сулбшердан ҳам юриш: Жесси Лингард қолган вақт давомида Рэшфорд ўрнида ҳаракат қилади.

• 111'
  

  "Копенгаген" сафидаги энг фаол ўйинчилардан бири майдондан олигди: Фальк майдонни тарк этди. Унинг ўрнига 17 ёшли Вильям Вик майдонга ташланди.

• 109'

  Устунликни яна бир голга ошириш мақсадида манкунияликлар ҳужумга ўтяпти.

• 107'

  Вазият жиддийлигини чуқур ҳис қилган ҳолда, Сольбаккен шогирдлари ҳужумларни тўхтатмаяпти.

• 106'
  

  Сўнгги бўлим бошланди!

• 105+3'
  

  Кичик танаффус!

• 105+2'
  

  Йоханссондан яна бир супер ҳаракат: Матанинг чамаси 10 метрдан берган зарбасини даниялик кипер оёқлари билан бартараф этди.

• 105+2'
  

  Зека ҳам сариқ карточкага лойиқ кўрилди.

• 105+1'
  

  Жароҳат олган Стаге ўз ўрнини Роберт Мудражияга бўшатиб берди. Шунингдек, Варела ўрнига Карло Бартолец туширилди.

• 105'
  

  Биринчи экстра таймга 1 дақиқа қўшиб берилди.

• 105'
  

  Стаге жароҳат олиб, майдонда ётибди.

• 103'

  Матанинг жарима майдончаси ичидан берган зарбаси анча юқоридан ўтиб кетди.

• 101'

  Рақибини алдай олмаган Винд унга нисбатан қўполлик ишлатди.

• 100'
  

  Рэшфорд рақиб посбони билан бирга-бир вазиятга чиқиб борди. Бироқ у ўйиндан ташқари ҳолатда.

• 98'

  Яна бир бор 3 рақибини алдаб, марказдан ёриб кирган Марсьяль жамоадоши Хуан Матани тўп билан таъминлади. Испаниялик футболчининг зарбасини ҳимоячилар бартараф этди.

• 95'
  

  ГООООООООООЛЛЛЛЛЛЛ!

  Тўп олдига яқинлашган Бруну Фернандеш дарвозани аниқ нишонга олди.

• 94'
  

  Охирги дақиқаларда фаоллиги билан ажралиб турган Марсьялни жарима майдончаси ичида Бьеллан қўллари билан ушлаб қолди. Ҳакам 11 метрлик нуқтага ишора қилди.

• 93'
  

  Марсьялнинг яна бир аниқ зарбасини дарвозабон қайтарди.

• 92'
  

  Марказдан ёриб кирган Марсьяльнинг зарбасини Йоханссон зарарсизлантирди.

• 91'
  

  "Манчестер Юнайтед"нинг Европа Лигасидаги энг яхши тўпурари Гринвуд ўрнига, энг яхши ассистенти Мата туширилди.

• 91'
  

  Қўшимча бўлимларнинг биринчиси бошланди.

• 90+4'
  

  Учрашувнинг асосий вақти якунланди. Олдинда экстра таймлар!

• 90+2'

  Фальк техник ҳаракатлари билан МЮ ҳимоячиларини асабларини синаб кўрмоқда. Ортда қолган вақт мобайнида даниялликларнинг энг фаол футболчиси айнан Фальк.

• 90+1'

  3 нафар рақибини алдаб ўтган Марсьяль зарба беришда кечикди. Ўта ҳавфли ҳужум бартараф этилди.

• 90'
  

  Тюрпен ўйинга 3 дақиқа қўшиб берди.

• 89'

  Уан-Биссака "Копенгаген" жарима майдончаси ичида рақибларини топа олмади.

• 87'

  Жарима майдончаси яқинидан кучли зарба берган Брунунинг уриниши рақиб футболчилари томонидан қайтарилди.

• 85'
  

  Бурчак тўпини ижро этган Бруну Фернандешнинг бу сафарги уриниши ҳам бесамар якунланди.

• 84'
  

  Йоханссондан супер сейв! Марсьялнинг узоқ бурчакка айлантириб йўллаган зарбасини даниялик кипер қайтарди.

• 83'

  Узоқ масофадан Рэшфорд зарба берди: ноаниқ.

• 81'

  Вареланинг ўнг қанотдан ёриб кириши натижасида Уильямс у билан тўқнашиб кетди. Тюрпен ишонч билан пенальти йўқлигини таъкидлади.

• 79'

  Ўйин давомида МЮ қанот ҳимоячилари суст ҳаракат қилмоқда. Ҳужумлар, асосан, марказдан уюштириляпти.

• 77'
  

  Истиқболли ҳужумни қўполлик билан тўхтатиб қолган Стаге огоҳлантирилди.

• 76'
  

  Захирадан ўйинга қўшилган Миккель Кауфман ҳам сариқ карточка олди.

• 75'

  Маркус ўйинни давом эттира олади. У ўрнидан турди.

• 74'
  

  Оёғига зарба қабул қилиб олган Рэшфорд майдонда ётибди.

• 72'

  "Копенгаген" футболчилари фаоллашмоқда.

• 70'
  

  Клеман Тюрпен жамоаларга салқинланиб олишлари учун имконият берди.

• 70'
  

  Сульшер ҳам икки шогирдини захирага олди: Эрик Байи ва Фред майдонни тарк этишди, энди уларнинг ўрнида Виктор Линделёф ҳамда Матич ҳаракат қилади.

• 68'
  

  Йоханссондан дабл сейв. Бруну ҳамда Погбанинг ҳавфли зарбаларини данияликлар посбони бартараф этди.

• 65'

  Фальк рақиб ҳимоячиларидан менсимай ўтиб кетган ҳолда, марказга пас оширди. Аммо жамоадошлари ҳужумни муваффақиятли давом эттира олмади.

• 64'
  

  Қарши ҳужумга қочиб кетаётган рақибига қўллари билан зарба берган Эрик Байи огоҳлантирилди.

• 63'

  Бруну Фернандешнинг узоқ масофадан йўллаган супер зарбаси дарвоза устунига тегиб қайтди.

• 61'
  

  Магуайр Кауфманни қўллари билан тўхтатиб қолганлиги учун сариқ карточкага лойиқ кўрилди.

• 58'
  

  Сольбаккен иккиталик ўзгаришни амалга оширди: Мохаммед Дарами ҳамда Пеп Бил ўрнига Миккель Кауфманн билан Браян Овьедо туширилди.

• 57'
  

  Бу сафар ҳам гол муаллифи офсайдда қолиб кетганлиги ойдинлашди.

• 57'
  

  ГООООООООООЛЛЛЛЛЛЛ!

  Гринвуднинг зарбаси устунга тегиб, Рэшфорд оёқларига келиб тушди. Маркус бўш қолган дарвозани ишғол этди.

• 55'
  

  Фреднинг ўнг оёқда берган зарбасини Йоханссон ушлаб олди.

• 53'
  

  "Копенгаген" форварди Винд билан тўқнашиб кетган Уильямс оёғини жароҳатлаб олган кўринади. Бироқ ўрнидан туриб, баҳсни давом эттирмоқда.

• 51'

  "Манчестер Юнайтед" вакиллари иккинчи 45 дақиқаликда ҳам фаолликни ушлаб турибди.

• 49'

  Ўз қанотида Маркус Рэшфорд 2 рақибини чалғитиб, марказга узатма амалга оширди. Погбанинг зарбаси ноаниқ кетди.

• 47'

  Байи рақибига нисбатан қўполлик ишлатди. Ҳакам бу сафар оғзаки огоҳлантириш билан чекланди.

• 46'
  

  Жамоалар майдонга қайтишди. Иккинчи бўлим бошланди!

• 45+5'
  

  Танаффус!

• 45+3'

  Тайм охирини Сульшер шогирдлари ҳужумда ўтказишмоқда.

• 45+1'
  

  Гринвуд тўп оширилганда воқеалар ривожидан бироз илгарилаб кетганлигини ВАР бош ҳакамга маълум қилди.

• 45'
  

  Тюрпен компенсация сифатида 4 дақиқа қўшиб берди.

• 45'
  

  ГООООООООООЛЛЛЛЛЛЛ!

  Решфорднинг заргарона узатмаси туфайли бирга-бир вазиятга чиқиб борган Гринвуд дарвозани ишғол қилди.

• 44'

  Уан-Биссаканинг марказга оширган тўпига Марсьяль мослаша олмади. Оқибатда, вазият бой берилди.

• 43'

  Марсьяль рақиб жарима майдончаси ичида йиқилиб тушди. Бош ҳакам вазиятни пенальти учун етарли эмас, деб баҳолади.

• 41'

  Манчестерликлар қанотлар бўйлаб тез-тез узатмаларни амалга оширишяпти.

• 39'

  Биринчи бўлим якунланиб бормоқда, жамоалар ҳали дарвозаларга голга тортадиган зарба бера олмади.

• 37'
  

  Зарба позициясига чиқиб борган Дарами ҳавфли зарба берди. Тўп Байига тегиб, майдонни тарк этди.

• 36'

  Яна бир бор ноаниқ узатма: Бруну Фернандешнинг узатмасига Рэшфорд етиб бора олмади.

• 35'

  Майдон марказида Сульшер шогирдлари тўп назоратини ўзларида ушлаб турибди.

• 32'

  Брунунинг моҳирона пасидан сўнг жарима майдончасига кирган Уильямс бош ҳудудда турган Гринвудга тўп оширди. Мэйсон зарбагача етиб бора олмади.

• 30'

  Рэшфорднинг қулай узатмасига Марсьяль ета олмади.

• 28'

  Жарима тўпини ижро этган Бруну Фернандешнинг зарбаси дарвоза тўсини юқорисидан ўтиб кетди.

• 27'

  Жарима майдончасига яқин ҳудудда Марсьялга нисбатан қўполлик ишлатилди.

• 24'
  

  Тюрпен жамоаларга салқинланиб олиш имкониятини тақдим этди. Кулинг брек.

• 23'

  Тезкор қарши ҳужумга ўтган Дарами ўз техникаси қурбонига айланди. Финт муваффақиятсиз чиқди.

• 21'
  

  Марсьяль ўйиндан ташқари ҳолатда қолиб кетди.

• 20'
  

  МЮ футболчилари стандарт вазиятни комбинацион тарзда ижро этди.

• 17'

  "Қизил иблислар" ҳимоясида саросимали вазият. Дарами Эрик Байини чалғитиб, зарба берди. Тўп йўлига Магуайр тўғаноқ бўлди.

• 14'
  

  Сон пайларини чўзиб олган "Копенгаген" етакчиси Бойлесен майдонни эрта тарк этишга мажбур бўлди. Унинг ўрни Бенгтссон билан тўлдирилди.

• 13'
  

  Фалькнинг берган кучли зарбаси Уан-Биссаканинг юзига тегди. Ангиялик ҳимоячига ёрдам кўрсатилмоқда.

• 12'

  Қанотдан етказиб берилган тўпга Дарами кўнгилдагидек зарба бера олмади.

• 11'

  "Копенгаген" футболчилари МЮ жарима майдончааси олдида ўзаро пас алмашмоқда.

• 9'

  Гринвуд қулай позициядан зарба йўллай олмади.

• 8'

  Узоқ масофадан зарба берган Рэшфорднинг уриниши муваффақиятсиз якунланди.

• 7'

  МЮ сардори рақиб жарима майдончасида қоида бузди.

• 5'

  Брэндон Уильямс Рэшфордга ноаниқ пас берди. Натижада, ҳужум барбод бўлди.

• 3'
  

  Бруну Фернандешнинг узатмасини рақиб футболчилари қайтариб юборди.

• 2'

  Ўйин бошида данияликлар чап қанотдан ҳужумга ўтди. Байи ҳавфни бартараф этди.

• 1'
  

  Бош ҳакам Клеман Тюрпен учрашувни бошлаб берди.

• 0'

  Европа Лигаси мадҳияси остида жамоалар майдонга тушиб келишди. Ўйин 1 дақиқалик сукут билан бошланади.