"Манчестер Юнайтед" Фернандешга қизиқмоқда
Bilolbek Imomov
Клуб анчадан буён футболчининг ўйинини кузатиб келмоқда
"Вест Хэм"нинг 21 ёшли марказий ярим ҳимоячиси Матеуш Фернандеш "Манчестер Юнайтед" қизиқиш доирасига тушган.
Маълум қилинишича, португалиялик футболчи жамоа АПЛдан тушиб кетган тақдирда клубни тарк этиши кутилмоқда. Шу билан бирга, лондонликлар уни таркибда сақлаб қолишни истамоқда.
"The Telegraph" хабарига кўра, манкунианлар жорий мавсум давомида ярим ҳимоячининг ўйинини диққат билан кузатиб борган. Айниқса, сўнгги ҳафталарда Фернандешга бўлган қизиқиш янада кучайган.
Ушбу мавсумда футболчи АПЛда 33 та учрашувда иштирок этиб, 3 та гол урди ва 3 та голли узатмани амалга оширди. У 2025 йилда "Саутгемптон"дан "Вест Хэм"га 44 миллион евро эвазига кўчиб ўтган.
Изоҳлар (0)