“Манчестер Юнайтед” футболчилари Эрик тен Хагга бойкот эълон қилди

Англия Премьер-лигасининг 36-турида “Манчестер Юнайтед” жамоаси “Кристал Пэлас” меҳмони бўлиб, 0:4 ҳисобида мағлубиятга учради.

Daily Mail нашрининг ёзишича, бу мағлубият Манчестер клубининг ички муҳитига салбий таъсир қилган. Манбага кўра, жамоанинг айрим ўйинчилари бош мураббий Эрик тен Хагга бойкот эълон қилиб, унинг кўрсатмаларини очиқчасига бажармаяпти.

Нидерландиялик мутахассис жамоа устидан назоратни бой бергани айтилмоқда.  Футболчилар олдида унинг ҳурмати тушиб кетган.

Шунга қарамай, клуб раҳбарияти бош мураббийни истеъфога чиқаришга шошилаётгани йўқ.