"Manchester Yunayted" futbolchilari van Nistelroyning klubda qolishini xohlamoqda

Niderlandiyalik mutaxassis Rud van Nistelroy Erik ten Xag "Manchester Yunayted" murabbiyligidan bo‘shatilgandan so‘ng jamoa bosh murabbiyi vazifasini bajarib kelmoqda.

"Sky Sports" nashrining xabar berishicha, futbolchilarga sobiq futbolchining ular bilan muloqot qilish uslubi yoqadi va ular uning o‘zlari bilan Amorim o‘rtasida "bog‘lovchi halqa" bo‘lib qolishiga umid qilishmoqda. Jamoa rahbariyati va asosiy jamoaning barcha xodimlari ham niderlandiyalik mutaxassisni qadrlaydi.

Hozircha Amorimning shtab tarkibi haqida aniq qaror qabul qilinmagan. Biroq, u "Sporting"dagi beshta hamkasbini, shu jumladan yordamchilari Karlos Fernandes, Adelio Kandido va Emmanuel Ferroni jalb qilmoqchi. Ten Xagning yordamchisi bo‘lib ishlagan van Nistelroyning qanday lavozimni egallashi hozircha noma’lum.

Ma’lumot uchun, portugaliyalik mutaxassis 11 noyabrdan yangi jamoasida ish boshlaydi.