"Манчестер Юнайтед" футболчиси клуб ЕЧЛда чемпион бўлишига ишонмоқда

"Манчестер Юнайтед" ярим ҳимоячиси Фред жамоаси жорий мавсум Еврокубокда зафар қуча олишига ишонмоқда.

Манчестерликлар битта фронт - Англия Кубогидан чиқиб кетганидан сўнг Чемпионлар лигасига кўпроқ эътибор бериши кутиляпти. Фред эса, чемпионликка ишонмоқда.

"Биз учун энг муҳими соврин қўлга киритиш инстинктини қайтариб олиш. Биз ҳали ЕЧЛ бош соврини учун курашамиз. Премьер-лигада ҳам юқорироқ ўринни эгаллашимиз керак",-деди бразилиялик ярим ҳимоячи.

Маълумот учун, "қизил иблислар" 2017 йилдан бери соврин юта олмаяпти. Рангник шогирдлари Чемпионлар лигаси 1/8 финалида "Атлетико"га қарши баҳс олиб боради.