"Манчестер Юнайтед" футболчиси Ўзбекистонга қарши ўйнамайди

"Манчестер Юнайтед" бош мураббийи Эрик тен Хаг вингер Алехандро Гарначони U-20 Жаҳон чемпионатига юборишдан бош тортди. 

"Йўқ, биз Гарначони жаҳон чемпионатига қўйиб юбормаймиз. Эртага у ҳар доимгидек машғулотларни давом эттиради. Шундан сўнг уни қачон жамоа билан машғулотларга ва тўлиқ ўйинларга қайтариш мумкинлигини кўрамиз", - деди Тен Хаг матбуот анжуманида.

Гарначо жорий мавсумда премьер-лигада иккита гол урди ва иккита голли узатмани амалга оширди. 

Эслатиб ўтамиз, Аргентина мезбонлик қиладиган 20 ёшгача бўлганлар ўртасидаги жаҳон чемпионатида Ўзбекистон терма жамоаси мезбонлар билан битта гуруҳдан жой олган.