“Манчестер Юнайтед” футболчиси қуйи лигага кетади

“Манчестер Юнайтед” ярим ҳимоячиси Ханнибал Межбри фаолиятини Англия Чемпионшипида давом эттирадиган бўляпти.

Журналист Фабрицио Романонинг маълум қилишича, 21 ёшли футболчини “Бёрнли” ўз таркибига қўшиб олади.

Премьер-лигага чиқиш учун курашадиган бу жамоа манчестерликлар ўйинчисини кейинчалик тўлиқ сотиб олиш мажбурияти билан бир мавсумга ижарага олмоқда.

Ханнибал ўтган мавсумда барча турнирлар ҳисобидан 17 маротаба майдонга тушиб, ўз ҳисобига битта гол ёздириб қўйганди. Унинг трансфер суммаси экспертлар томонидан тўққиз  миллион еврога баҳоланмоқда.