"Манчестер "Юнайтед" Гарначога нарх белгилади

"Манчестер Юнайтед" футболчиси Алехандро Гарначо фаолиятини "Наполи"да давом эттириши мумкин. Италия клубининг фикрича, 20 ёшли аргентиналик футболчи жамоани тарк этиши кутилаётган Хвича Кваратсхелия ўрнини муносиб тарзда эгаллашга қодир.

Журналист Алфредо Педулла хабарига кўра, "Наполи" Гарначонинг трансфери учун 40+5 миллион евро бонуслар билан биргаликда 45 миллион евро таклиф қилмоқда. Бироқ, "Манчестер Юнайтед" кўпроқ маблағ талаб қилмоқда. Премер-лиганинг топ-клуби аргентиналик футболчини 60 миллион евродан юқори баҳоламоқда.

2024/2025 йилги мавсумда Алехандро Гарначо 30 та ўйинда майдонга тушиб, 8 та гол урди ва жамоадошларига 5 та голли узатма амалга оширди.