"Манчестер Юнайтед" ҳужумчиси "Тоттенхэм"га қарши ўйинда жамоасига ёрдам бера олмайди

"Манчестер Юнайтед" ҳужумчиси Антони Марсьяль АПЛ доирасидаги "Тоттенхэм"га қарши ўйинни ўтказиб юборади.

Англия матбуоти хабарига кўра, 24 ёшли футболчининг мушаклари шикастланган. Айни шу сабаб футболчи "Астон Вилла"га қарши ўйиннинг 82 дақиқасида майдонни тарк этганди. Унинг қачон майдонга қайтиши номаълумлигича қолмоқда.

Марсьялдан ташқари "Тоттенхэм" билан ўйинни Поль Погба, Эрик Байи, Тимоти Фосу Менса ва Диогу Далот ҳам ўтказиб юборади.