“Манчестер Юнайтед” икки юлдузнинг чиқиш трансферини блоклади

“Манчестер Юнайтед” раҳбарияти жамоанинг икки ўйинчиси – ярим ҳимоячи Кобби Майну ва ҳужумчи Жошуа Зиркзеенинг қишки трансферлар даврида клубни тарк этишига рухсат бермади.

Кучга тўлган бу навқирон футболчилар доимий ўйин амалиёти берилмаётганини рўкач қилиб, клуб хўжайинларидан январда кетишга рухсат сўраган эди.

“Манчестер Юнайтед” бу ўйинларнинг ижарага ўтишига ҳам,  тўлиқ трансфер қилишига ҳам йўл бермайдиган бўлди.

Чунки улар Майну ва Зиркзее қишда Амад Диалло ва Брайан Мбеумо ўз мамлакатлари терма жамоалари сафида Африка Миллатлари кубоги мусобақасида иштирок этиш учун кетганида бош мураббий Рубен Аморимга керак бўлади.

Ҳар икки футболчи кейинги пайтда мураббийлар ишончини ва бунинг ортидан асосий таркибдаги жойини йўқотган. Улар доимий ўйин амалиётига эга бўлиш учун бошқа клубларга ўтишни режалаштиряпти.