“Манчестер Юнайтед” Италиядан “қария” ҳимоячини олиб кетади

“Манчестер Юнайтед” қишки трансферлар вақтида таркибини кучайтириш борасида иш олиб бормоқда.

Juve Live нашрининг маълум қилишича, манчестерликлар “Ювентус”нинг 33 ёшли марказий ҳимоячиси Данилога жиддий қизиқиш билдирмоқда.

“Юнайтед”нинг янги бош мураббийи Рубен Аморим клуб бразилиялик футболчини январь ойидаёқ трансфер қилишини сўраяпти.

Ўз навбатида, Данило туринликларга керак бўлмай қолган ва бошқа клубга ўтишга қарши эмас.  Янги мавсумда бу футболчи барча турнирларда ўн маротаба майдонга тушди холос.

Данилонинг Турин суперклуби билан ҳамкорлиги ёзда якунига етади. Тажрибали футболчи Transfermarkt портали томонидан 7 миллион еврога баҳоланган.