“Manchester Yunayted” katta klublarda o‘ynagan qimmat hujumchini chaqirdi

“Manchester Yunayted” kelasi mavsum oldidan tarkibini sezilarli darajada kuchaytirishga harakat qilmoqda.

Todofichajes nashrining yozishicha, manchesterliklar portugaliyalik hujumkor futbolchi Joau Felishni o‘z safiga qo‘shib olmoqchi.

24 yoshli Felish aslida Madridning “Atletiko” klubi futbolchisi hisoblanadi. Biroq madridliklar bosh murabbiyi Diego Simeone anchadan beri unga suyanmay qo‘ygan.

Shu bois, qimmatbaho futbolchi keyingi ikki mavsumni “Chelsi” va “Barselona”da o‘tkazdi.

“Atletiko” rahbariyati 2019 yili 127,2 million evroga olingan futbolchini 50 million evroga qo‘yib yuborishga tayyor.