"Манчестер Юнайтед" катта маош орқали ўз етакчисини жамоада олиб қолмоқчи

"Манчестер Юнайтед" ярим ҳимоячи Бруну Фернандеш билан шартнома узайтирмоқчи.

Хабарларга кўра, "қизил иблислар" португалиялик ярим ҳимоячи Бруну Фернандешни жамоада олиб қолишга жиддий бел боғлаган кўринади. "The Mirror" нашри берган маълумотларга кўра, манкуниянликлар футболчига ҳафтасига 400минг фунтлик янги шартнома таклиф қилмоқчи. Қайд этилишича, Фернандешнинг МЮда қолиш ёки қолмаслиги жамоанинг келаси мавсумга Европа Чемпионлар лигасига йўлланмани қўлга киритишига боғлиқ. Футболчи учун айни вақтда пул асосий мақсад эмас. Брунунинг "Манчестер Юнайтед" билан амалдаги шартномаси келаси йилнинг ёзида якунига етади. "Трансфермаркт" портали футболчини 40 миллион еврога баҳоламоқда.

Маълумот учун, хавбек жорий мавсумда умумий 28та учрашувда майдонга тушиб, 7та гол ва 15та ассистни ўз ҳисобига ёздириб қўйди.