“Манчестер Юнайтед” мана шу тўрт футболчидан қутилса, топ-жамоа айланади!

“Манчестер Юнайтед” олдинги мавқеига қайтишга уринмоқда. Мавсум манчестерликлар учун аввалгиларига қараганда, анча мувафақиятли давом этмоқда.

Бироқ, айрим мутахассислар Эрик тен Хаг шогирдларини топ-жамоалар қаторига қўшиши учун таркибни кучайтириш баробарида айрим ўйинчилар билан хайрлашиши лозимлигини таъкидлашмоқда.

Биринчи навбатда, жамоага янги дарвозабон керак. Давид де Хеа клубга келганидан бери футбол анча ўзгарди ва испан дарвозабони ўзига қўйиладиган талабларни бажара олмайди. Хусусан, оёқда ўйнай олмайди ва голга олиб келадиган хатоларга йўл қўйишга кўникиб қолган.

Жаҳоннинг энг қимматбаҳо ҳимоячиси Ҳарри Магуайр “Манчестер Юнайтед”да ўйнашга психологик жиҳатдан тайёр эмас.

Виктор Линделоф ҳам ишончни оқламади. Манчестерликлар швед ҳимоячисини ёрқин юлдузга айланишини кутганди. Ҳаракатларида ўзига бўлган ишонч етишмаётган ва кўп хатога йўл қўядиган ҳимоячи Премьер-лига даражасига кўтарила олмади.

Қимматбаҳо трансфер эгаси бўлган Антони Марсьяль ҳам “Олтин тўп”га даъвогар бўладиган салоҳиятга эга ёш ўйинчи сифатида олиб келинган эди. Узоқ йиллардан бери “Олд Траффорд”да тўп тепаётганига қарамай, кутилган даражада етолмади.