"Манчестер Юнайтед" немис ҳужумчисини қўлга киритишга даъвогар

«Брюгге» жамоаси форварди Николо Тресольди «Манчестер Юнайтед» клубининг ёзги трансфер режалари марказига чиқди.

Журналист Себастьен Видалнинг хабар беришича, «қизил шайтонлар» 21 ёшли ҳужумчини бир қатор бошқа номзодлар билан бирга кўриб чиқмоқда. Агар инглиз клуби Тресольдини қўлга киритса, бу «Ювентус» томонидан жиддий қизиқиш билдирилаётган Джошуа Зиркзее билан хайрлашиш эҳтимолини ошириши мумкин.

Николо Тресольдига бўлган қизиқиш фақат «Манчестер Юнайтед» билан чекланмайди. Унга аввалроқ Лондоннинг «Арсенал», Мадриднинг «Атлетико» ҳамда «Рома» клублари ҳам назар ташлагани маълум қилинган.

Ўтган мавсумда Тресольди «Брюгге» сафида 58 ўйинда майдонга тушиб, 23 та гол урди ва 9 та голли узатма амалга оширди. Transfermarkt портали баҳосига кўра, италиялик илдизларга эга немис ҳужумчисининг трансфер қиймати тахминан 25 миллион еврони ташкил этади.