“Манчестер Юнайтед” Неймарни олиш йўлини топди

ПСЖ ҳужумчиси Неймар ёзда жамоасини алмаштириши кутилмоқда. Матбуотнинг тинимсиз танқиди ва фанатлар норозилигидан чарчаган бразилиялик юлдуз ниҳоят Париждан кетишга қарор қилди.

Англия Премьер-лигаси вакили “Манчестер Юнайтед” 31 ёшли футболчини ўз сафига қўшиб олмоқчи. Манчестерликлар Неймарни бир мавсум ижарага олишни режаштиряпти.

Париж клуби раҳбарияти ҳозирча харидорлардан Неймарни тўлиқ трансфер қилишни талаб этмоқда. Бироқ, жароҳатини келаси мавсум бошигача даволатишга мажбур бўлаётган қимматбаҳо футболчини ҳеч бир клуб тўлиқ сотиб олмайди.

Трансфер мутахассислар энг яхши вариант кейинчалик сотиб олиш ҳуқуқи билан ижарага бериш эканини таъкидламоқда.

Неймар жорий мавсумда барча турнирларда 29 маротаба майдонга тушиб, ўз ҳисобига 18 та гол ва 17 та ассист расмийлаштириб қўйди.