"Манчестер Юнайтед" Погбани 8 августдан кейин сотмайди. Чунки...

"Манчестер Юнайтед" клуби раҳбарияти жамоа хавбеки ПольПогбанинг трансфери масаласида қайси муддатгача музокаралар олиб боришини маълум қилди.

Mirror нашри тарқатган хабарга кўра “қизил иблислар” франциялик футболчини 8 августдан кейин сотишмайди. Таъкидлаш керакки, шу кундан кейин АПЛда трансфер ойнаси ёпилади ва манкуанликларда Погбанинг ўрнига футболчи сотиб олиш имконияти қолмайди.

Эслатиб ўтамиз, Погба учун Мадриднинг “Реал” клуби асосий даъвогар сифатида тилга олинмоқда. Бироқ, МЮ уни 170 млн евродан камига сотмоқчи эмас.

Маълумот учун, Испанияда трансфер ойнаси 2 сентябргача очиқ бўлади.