"Манчестер Юнайтед" ПСЖ ҳимоячисини нишонга олди

Англиянинг "Манчестер Юнайтед" клуби қишда ПСЖ ҳимоячиси Нуну Мендешни сотиб олиш ҳақида ўйламоқда. 
 
Хабарингиз бор, "қизил иблислар" ҳимоячиси Люк Шоу бир неча ойдан буён жароҳатдалиги сабаб, муҳим учрашувларда жамоага ёрдам бера олмаяпти. Шу кунгача Эрик Тен Ҳаг ҳам Рубен Аморим ҳам ушбу позиция учун Далотдан фойдаланишаётган эди. Шу сабабли, клуб раҳбарлари қишки трансферлар ойнасида янги чап қанот ҳимоячиси сотиб олишмоқчи. 
 
"Paper Round" нашрининг хабарига кўра, ҳозирда Манчестер клуби учун парижликлар ҳимоячиси Мендеш асосий даъвогар бўлиб турибди. Манбанинг ёзишича, португалиялик ҳимоячи Луис Энрике клубидаги ўрнидан норози. Шу боис, қишки трансферлар ойнасида жамоасини ўзгартиришга қарши эмас. 
 
Маълумот ўрнида, 22 ёшли фулбек бу мавсум "Пари Сен-Жермен" таркибида 16 та ўйинда иштирок этиб, 2 та гол ва 2 та голли узатмага муаллифлик қилишга улгурди. Унинг клуб билан шартномаси 2026 йилгача мўлжалланган бўлиб, Тransfermarkt порталидаги нархи 55 миллион евро деб баҳоланмоқда,