Ads

"Манчестер Юнайтед" форварди Маркус Рэшфорд клуб билан амалдаги шартномасини узайтириш бўйича келишувга эришди. Бу ҳақда The Times нашри хабар тарқатмоқда.

Янги келишувга кўра 21 ёшли англиялик футболчининг маоши оширилади ва у ҳафтасига 335 минг евро маош олади.

Қайд этиш лозимки, 27та ўйинда бор йўғи 2та гол урган Алексис Санчеснинг айни дамдаги ҳафталик маоши 565 минг еврони ташкил этади. Рэшфорд ҳисобида эса 47та ўйинда 13та гол мавжуд.

Маълумот учун, Рэшфорд ва МЮ ўртасидаги келишув 2020 йилда ўз ниҳоясига етади. Бундан аввалроқ унга Мадриднинг “Реал” клубидан жиддий қизиқишлар бўлаётгани ҳақида хабарлар тарқалган эди.