"Манчестер Юнайтед" Тчуамени учун 90 миллион евро таклиф қилди, "Реал" эса ...

"Манчестер Юнайтед" Каземиронинг эҳтимолий кетиши фонида ярим ҳимояни кучайтиришни режалаштирмоқда. "Fichajes" порталининг хабарига кўра, "қизил иблислар" "Реал Мадрид" ярим ҳимоячиси Орельен Тчуамени учун расмий таклиф йўллаган.

Манбанинг таъкидлашича, таклиф 90 миллион евродан иборат бўлган — 70 миллиони кафолатланган, яна 20 миллиони бонуслар кўринишида. Аммо "Реал" бу таклифни қабул қилмаган, чунки клуб 25 ёшли француз футболчиси билан хайрлашмоқчи эмас.

Шу билан бирга, "Манчестер Юнайтед" Тчуамени трансфери учун яна бир неча уриниш қилиши мумкинлиги қайд этилган.

Айни пайтда МЮ Англия Премьер-лигаси турнир жадвалида еттинчи поғонада жойлашган.