"Манчестер Юнайтед" ва "Ливерпуль" ўртасидаги қолдирилган ўйин санаси маълум бўлди

Англия Премьер лигаси «Манчестер Юнайтед» ва «Ливерпуль» ўртасидаги қолдирилган учрашув санасини эълон қилди.

Унга кўра ушбу қарама-қаршилик 13 май куни бўлиб ўтади. Дастлаб, ўйин 2 май куни ўтказилиши керак эди. Аммо манкунианлик мухлисларнинг клуб эгалари - Глэйзерлар оиласига қарши норозиликлари туфайли беллашув қолдирилди. Норозилик акцияси пайти ишқибозлар стадионга бостириб кирди.

Шунингдек, 12 майга белгиланган "Манчестер Юнайтед" – "Лестер" учрашувининг санаси ҳам ўзгарди. Мазкур баҳс бир кун аввал - 11 майда ўтказилади.

МЮ чемпионат доирасида 33-турдан сўнг, 67 очко билан 2-ўринда бормоқда. "Ливерпуль" эса 33 ўйинда 54 очко жамғарган ҳолда 7-поғонани банд этган.