"Манчестер Юнайтед" янги дарвозабон билан шартнома имзолади

"Манчестер Юнайтед" матбуот хизмати Уэльс терма жамоаси дарвозабони Карл Дарлоу билан шартнома имзоланганини маълум қилди. У "Лидс" билан шартномаси якунланганидан сўнг жамоага эркин агент сифатида қўшилди.

Клуб маълумотига кўра, 35 ёшли дарвозабон билан тузилган келишув 2028 йилгача мўлжалланган.

Ўтган мавсумда Дарлоу "Лидс" таркибида Англия Премьер-лигасида 22 ўйинда майдонга тушиб, 27 та гол ўтказиб юборди ва беш бор дарвозасини дахлсиз сақлашга муваффақ бўлди. Унинг аввалги жамоалари орасида "Ньюкасл" ва "Ноттингем Форест" ҳам бор.