“Манчестер Юнайтед” янги футболчи топди

“Манчестер Юнайтед”нинг ҳимоядаги ўйини раҳбариятга ҳам, мухлисларга ҳам ёқмаяпти. Чемпионлик учун курашиши кутилган жамоа жуда кўп гол ўтказмоқда. Шунинг учун клуб раҳбарияти кучли ҳимоячи олишга қарор қилди.

Аслида  Эрик Байининг ўйинидан умуман қониқмаётган Сульшер ўз шогирдлари орасида Дайо Упамекано ва Калиду Кулибалини кўрмоқчи эди. Бироқ улар Манчестерга келган тақдирда ҳам  Англия футболига мослашиши учун вақт керак бўлади.

“Манчестер Юнайтед” ҳимоячи масаласини ички чемпионат доирасида ҳал қилмоқчи. Ҳозирча, танлов “Бёрнли” вакили Жеймс Тарковскида тўхтади. Ёзда “Вест Хэм” бу футболчи учун 28 миллион фунт таклиф қилиб, рад жавобини олганди.

“Бёрнли” етакчи футболчиси трансферидан 50 миллион фунт ишлаб олишни режалаштирмоқда.