"Манчестер Юнайтед" ёзда АПЛ клубидан зўр ҳужумчи сотиб олади

"Манчестер Юнайтед" раҳбарияти ёзги трансферлар даврида жамоанинг ҳужум чизиғини кучайтирмоқчи.

The Telegraph нашри тарқатган хабарга қараганда, "қизил иблислар"нинг бу борадаги асосий трансфер мақсадларидан бири "Саутгемптон" ҳужумчиси Дэнни Ингз ҳисобланади.

“Манчестер Юнайтед” аллақачон 28 ёшли англиялик футболчининг трансфери бўйича “Саутгемптон”га таклиф билан мурожаат қилган. Айтиш керакки, “Юнайтед” Ингзни ўтган йили сотиб олиш истагини билдирган эди. Бироқ якунда ушбу режа барбод бўлди ва улар Одиона Игалони ижарага олишди.

Дэнни Ингз жорий мавсум АПЛда 28 та ўйинда майдонга туди. У ушбу ўйинларда ўз ҳисобига 12 та гол ҳамда 4 та голли узатма ёздириб қўйди.