“Манчестер Юнайтед”га Роналду етишмаяпти

“Манчестер Юнайтед”нинг собиқ ҳужумчиси Луи Саа жамоанинг “Ливерпуль”дан 0:7 ҳисобида қақшатқич мағлубиятга учраганига муносабат билдирди.

Саа бу шармандали муваффақиятсизликни таркибида Криштиану Роналдунинг йўқлиги билан изоҳлади.

- Аслида Роналдунинг кетиши “Манчестер Юнайтед”да янги давр бошлагани сифатида баҳоланди. Бош мураббий Эрик тен Хаг  ҳаммасини янгидан бошлаш ва жамоани ғолиблик руҳида шакллантириш имкониятига эга бўлди.

Энди жамоанинг барқарорлиги тикланган пайтда улар Криштиану Роналду билан янада кўпроқ натижаларга эришга бўларди.

Айниқса, 0:7 ҳисобидаги мағлубиятга қараганда, Роналду бундай пайтда жамоага катта ёрдам бера оларди, деган хулосага келаман, - деди Луи Саа.