"Манчестер Юнайтед"ни доғда қолдиришди

"Атлетико" Мадрид ҳимоячиси Киран Триппьер Англия премьер-лигасига қайтиши мумкин.

Италиялик журналист-инсайдер Николо Скиранинг маълум қилишича, 31 ёшли англиялик футболчига “Ньюкасл”дан таклиф бўлмоқда.

Юқоридаги манбанинг хабарига кўра, клублар ушбу трансфернинг барча томонларини келишиб бўлган ва яқин кунларда расман эълон қилинади. Айтиш керакки, "Ньюкасл" футболчи учун рақобатда "Манчестер Юнайтед"дан устун келди.

Жорий мавсумда 31 ёшли Триппьер “Атлетико” сафида барча турнирларда 17та ўйин ўтказди.