"Манчестер Юнайтед"нинг мавсумдаги энг яхши футболчиси эълон қилинди

"Манчестер Юнайтед" клуби ҳимоячиси Люк Шоу жамоанинг жорий мавсумдаги энг яхши футболчиси деб топилди.

Шоу мухлислар ўртасида ўтказилган сўровномада энг кўп овоз тўплади ва жамоадошлари Виктор Линделеф ҳамда Поль Погбаларни орта қолдирди.

Маълумот учун, 23 ёшли Шоу жорий мавсум “Манчестер Юнайтед” сафида 40та ўйинда майдонга тушди ва 1та гол ҳамда 5та голли узатма ёздириб қўйишга эришди. Унинг клуб билан амалдаги шартномаси 2023 йилга қадар имзоланган.